Ատոմ (ՀՄՄ)
Ատոմ, ծանր անվավոր հետևակի մարտական մեքենայի փորձնական տարբերակ, ռուսական «″Բուրեվեստնիկ″ Կենտրոնական գիտահետազոտական ինստիտուտ» ԲԲԸ և ֆրանսիական «Renault Trucks Defence» ընկերության համատեղ արտադրանք (մինչև 2014 թվականի սկիզբը)։ Ստեղծվել է ֆրանսիական անվավոր ԲՄՊ (ՀՄՄ) VBSI-ի հիմքի վրա։
| Ատոմ | |
|---|---|
 | |
| Տեսակ | տրանսպորտային միջոցի մոդել և զենքի մոդել |
| Ենթատեսակ | հետևակի մարտական մեքենա |
| Երկիր | .svg){kind=small} Ֆրանսիա |
| Ստեղծող | Բուրեվեստնիկ |
| Արտադրող | Ուրալվագոն գործարան |
Նախագծի պատմություն խմբագրել
«Ատոմ»-ի նախօրինակ տարբերակը, կատարելագործված մարտական համակարգով և 57 մմ ավտոմատ հրանոթով, ներկայացվել է 2013 թվականին Նիժնի Տագիլում՝ Russian Expo Arms -2013 ռազմական ցուցահանդեսում[1]։ Ռազմական մոդուլի ԲՄ 57-ի 57-մմ ավտոմատ թնդանոթը համարվել է խորհրդային 57 մմ ավտոմատացված թնդանոթի վերափոխված տարբերակը, որը գործածվել է «Բուրեվեստնիկի» կողմից կատարելագործված Ց-60 զենիթահրետանային կոմպլեքսի կազմում։ Ավելի վաղ այս թնդանոթը նախատեսվել էր ԱՈւ-220Մ մարտական համակարգի կազմում ՊՏ-76Բ տանկի վերափոխման համար։
Մեքենայի կոնցեպտն իր մեջ ներառում է անվավոր ռազմատեխնիկայի դասը. հեռակառավարվող համակարգով 12,7 մմ գնդացրով ծանր զրահավոր փոխադրիչ մեքենա, ծանր անվավոր ԲՄՊ, 57 մմ զենիթահրետանային կոմպլեքս, 120 մմ ինքնագնաց հրանոթ, զրահապատ համալրող-տարհանող մեքենա, հրամանատարաշտաբային մեքենա, ինժեներական և սանիտարական մեքենաներ[1][2]։
2014 թվականի ապրիլի 8-ին շվեդական Volvo ավտոմոբիլային կոնցեռնը սառեցրել է իր ֆրանսիական Renault Trucks Defense դուստր ձեռնարկության համատեղ նախագիծը «Ուրալվագոնզավոդ»-ի հետ։ Համագործակցության հուշագիրը կասեցվել է շվեդական կողմի նախաձեռնությամբ՝ պատճառաբանվելով «անորոշության գործոնով», ինչի վրա ազդեցություն էր ունեցել Ղրիմի հետ կապված քաղաքական վիճակը[3]։
Հետագայում ֆրանսիական կողմը ևս լքեց նախագիծը։ 2016 թվականի ապրիլին «Ուրալվագոնզավոդ»-ի տնօրեն Օլեգ Սիենկոն հայտարարել է, որ «Ատոմ» նախագծի կատարելագործման աշխատանքները շարունակելու համար մասնագետներ են ներգրավվել Արաբական Միացյալ Էմիրություններից և Ղազախստանից[4]։
Նկարագրություն խմբագրել
ԲՄՊ «Ատոմն» ունի դասական կառուցվածք։ Թափքը ամրակուռ է՝ ստեղծված զրահապատ համակարգերից, որոնք պարունակում են կերամիկական տարրեր։ Կարող է հագեցած լինել դինամիկ պաշտպանությամբ և հակակումուլյատիվ կուտակային էկրաններով։ ԲՄՊ-ի հակաարկային դիմադրողականությունը համապատասխանում է 5 STANAG 4569 չափանիշին՝ համաձայն ՆԱՏՕ-ի ստանդարտի։ Թափքի առջևի հատվածի ձախ կողմում տեղադրված են կառավարող, աջ կողմում՝ շարժիչային, միջնամասում՝ մարտական, սնուցող մասում՝ դեսանտային բաժանմունքները։ Անձնակազմը բաղկացած է երեք հոգուց[1][2]։ Մեքենայի ընթացքային մասն իրենից ներկայացնում է ֆրանսիական ԲՄՊ-ի ձևափոխված շասսի 8×8 անվային ֆորմուլայով։ Անվադողերը կարող են շխատել անգամմ ծակվելուց հետո։ Ունի Renault ապրանքանիշի շարժիչ՝ 600 լ/վ հզորությամբ։ Այն տեղակայված է թափքի աեջևի հատվածում։ Մեքենայի վրա տեղադրված է ավտոմատ փոխանցման տուփ և լողունակությունն ապահովող սարքավորում[1][2]։
Մեքենան կարող է համալրվել նաև մասսայական ոչնչացման զենքով, ակտիվ պաշտպանության և լազերային ճառագայթման վերաբերյալ նախազգուշական համակարգերով[2]։
Ծանոթագրություններ խմբագրել
- ↑ 1,0 1,1 1,2 1,3 Колёсная БМП «АТОМ». Международная выставка вооружений Russia Arms EXPO 2013
- ↑ 2,0 2,1 2,2 2,3 Концепт тяжелой колесной БМП «Atom» на выставке Russia Arms EXPO 2013 (фоторепортаж)
- ↑ «Volvo отказалась ставить моторы на российские БМП». Արխիվացված է օրիգինալից 2014 թ․ ապրիլի 8-ին. Վերցված է 2014 թ․ ապրիլի 8-ին.
- ↑ «Проект перспективной тяжёлой БМП «Атом»». Արխիվացված է օրիգինալից 2017 թ․ ապրիլի 24-ին. Վերցված է 2020 թ․ փետրվարի 16-ին.