Ավրիլ Հեյնս
Ավրիլ Դանիկա Հեյնս (անգլ.՝ Avril Dannica Haines, օգոստոսի 27, 1969[1], Նյու Յորք շրջան, Նյու Յորք, Նյու Յորք, ԱՄՆ), պատմությամն մեջ առաջին կինը, որը զբաղեցրել է Կենտրոնական հետախուզական վարչության տնօրենի տեղակալի (2013-2015) և ԱՄՆ Ազգային անվտանգության նախագահի խորհրդականի տեղակալի պաշտոնները (2015-2017)։
| Ավրիլ Հեյնս | |
|---|---|
 | |
| Ծնվել է | օգոստոսի 27, 1969[1] (54 տարեկան) |
| Ծննդավայր | Նյու Յորք շրջան, Նյու Յորք, Նյու Յորք, ԱՄՆ |
| Քաղաքացիություն |  ԱՄՆ |
| Կրթություն | Ջորջթաունի համալսարանի իրավունքի կենտրոն (մայիս 2001)[1], Չիկագոյի համալսարան (հունիս 1992)[1] և Հանթեր քոլեջի ավագ դպրոց |
| Մասնագիտություն | փաստաբան և պաշտոնյա |
| Աշխատավայր | Office of the Director of National Intelligence? |
| Ծնողներ | հայր՝ Թոմաս Հ. Հեյնս |
| Զբաղեցրած պաշտոններ | Director of National Intelligence? |
| Կուսակցություն | Դեմոկրատական կուսակցություն |
| Կայք | avrilhaines.xyz |
 Avril Haines Վիքիպահեստում | |
Կենսագրություն խմբագրել
Կենսաքիմիկոս Թոմաս Հեյնսի և Ադրիան Ռապինի դուստրն է, որն իր գիտական կարիերան փոխել է նկարչի ուղու հետ։ Ընտանիքն ապրում էր Վերին Վեսթ-Սայդում` Նյու Յորքի բոհեմական շրջանում։ Երբ Ավրիլը 4 տարեկան էր, մայրը հիվանդացել է քրոնիկ էմֆիզեմայով, իսկ ավելի ուշ՝ թռչունների տուբերկուլյոզով։ 12 տարեկանում աղջկա վրա էր մոր ամենօրյա խնամքի պատասխանատվությունը, որն այս անգամ ծանր հիվանդ էր (նա մահացել է դստեր տասնվեցամյակից կարճ ժամանակ անց)։
Ավագ դպրոցն ավարտելուց հետո (այդ տարիներին նաև մասնակի աշխատել է մեքենաների վերանորոգման խանութում) Ավրիլը մեկնել է Ճապոնիա և որոշ ժամանակ Կոդոկանի ինստիտուտում անցկացնելուց հետո ստացել ձյուդոյի շագանակագույն գոտի։ Վերադառնալով ԱՄՆ՝ Չիկագոյի համալսարանում ուսումնասիրել է ֆիզիկա, արձակուրդին հայրենի Նյու Յորքում սիրահարվել է թռիչքային հրահանգիչ Դևիդ Դավիգիին, նրանք միասին վերականգնելով հին երկշարժիչ «Սեսնան»՝ փորձել են մեկնել Եվրոպա, սակայն ինքնաթիռը սառել է Լաբրադոր ծովում։ Նրանց հաջողվել է խուսափել ջրի վրա վայրէջքից։
1992 թվականին, երբ Հայնեսն ավարտել է Չիկագոյի համալսարանը, զույգը հաստատվել է Բալթիմոր քաղաքում, որտեղ Ավրիլը սկսել է Հոփկինսի համալսարանում պատրաստվել ֆիզիկայի դոկտորի կոչում ստանալու համար, իսկ Դեյվիդը առևտրային ավիաընկերությունում սկսել է աշխատել որպես օդաչու[2]։
Կարիերա խմբագրել
Հետաքրքրված էր միջազգային իրավունքով և մարդու իրավունքների պահպանման խնդրով, համալսարանն ավարտելուց հետո դաշնային վերաքննիչ դատարանի դատավորի աշխատասենյակում աշխատել է որպես գործակատար, իսկ 2003 թվականին ԱՄՆ պետդեպարտամենտում՝ իրավախորհրդատուի պաշտոնում։
2010 թվականից աշխատել է Օբամայի վարչակազմում՝ որպես նախագահի խորհրդականի օգնական, մասնագիտացել ազգային անվտանգության հարցերում, ինչպես նաև Ազգային անվտանգության խորհրդում աշխատել որպես իրավախորհրդատու։ 2013 թվականի հունիսի 12-ին ԿՀՎ տնօրեն Բրենան պաշտոնապես հայտարարել է 2013 թվականի օգոստոսի 9-ին ԿՀՎ փոխտնօրենի պաշտոնից Մայքլ Մորելի պաշտոնաթողության և նրա փոխարեն Ավրիլ Հայնեսի նշանակման մասին[3]։
2014 թվականի դեկտեմբերին Ավրիլ Հայնեսը նշանակվել է Սյուզան Ռայսի ԱՄՆ նախագահի ազգային անվտանգության հարցերով խորհրդական[4]։
Պատկերասրահ խմբագրել
-
2015 թվականի դեկտեմբերի 5-ին Բարաք Օբամայի, Սյուզան Ռայսի և ներքին անվտանգության հարցերով խորհրդական Լայզա Մոնակոյի հետ: -
2015 թվականի հուլիսի 13-ին Բարաք Օբամայի և Ազգային անվտանգության խորհրդի ապարատի աշխատակազմի հետ Իրանի միջուկային ծրագրի վերաբերյալ համաձայնագրի ստորագրման մասին լուրերը ստանալուց հետո: -
2015 թվականի հուլիսի 13-ին Օվալաձև գրասենյակում (ժամի մոտ կանգնած) Օբամայի և պետքարտուղար Ջոն Քերիի միջև Իրանի միջուկային ծրագրի շուրջ համաձայնագիր կնքելու զրույցի ընթացքում: -
2016 թվականի հուլիսի 15-ին Օվալաձև գրասենյակում նախագահի աշխատակազմի ղեկավար Դենիս Մակդոնոուի հետ՝ նախագահ Օբամայի և Ջոն Քերիի միջև զրույցի ընթացքում հեղաշրջման փորձից հետո Թուրքիայում տիրող իրավիճակի մասին:
.jpg)
.jpg)
Արտաքին հղումներ խմբագրել
- «Avril D. Haines» (անգլերեն). Bloomberg. Վերցված է 2017 թ․ հունվարի 26-ին.
Ծանոթագրություններ խմբագրել
- ↑ 1,0 1,1 1,2 1,3 https://www.intelligence.senate.gov/sites/default/files/documents/q-ahaines-011921.pdf
- ↑ Daniel Klaidman (2013 թ․ հունիսի 26). «Avril Haines, the Least Likely spy» (անգլերեն). Newsweek. Վերցված է 2017 թ․ հունվարի 26-ին.
- ↑ Karen DeYoung and Greg Miller (2013 թ․ հունիսի 12). «CIA's deputy director to be replaced with White House lawyer» (անգլերեն). Washington Post. Վերցված է 2017 թ․ հունվարի 26-ին.
- ↑ Simon Engler (2014 թ․ դեկտեմբերի 18). «Number 2 at CIA Moves to White House» (անգլերեն). Foreign Policy. Վերցված է 2017 թ․ հունվարի 26-ին.
 | Վիքիպահեստն ունի նյութեր, որոնք վերաբերում են «Ավրիլ Հեյնս» հոդվածին։ |