Ավետիս Թերզիբաշյան
- Վիքիպեդիայում կան հոդվածներ Թերզիբաշյան ազգանունով այլ մարդկանց մասին։
Ավետիս Հարությունի Թերզիբաշյան (սեպտեմբերի 2, 1873[1], Վան - մարտի 31, 1947, Փարիզ), հասարակական-քաղաքական գործիչ, գրող։
| Ավետիս Թերզիբաշյան | |
|---|---|
| Ծնվել է | սեպտեմբերի 2, 1873[1] |
| Ծննդավայր | Վան |
| Մահացել է | մարտի 31, 1947 (73 տարեկան) |
| Մահվան վայր | Փարիզ |
| Կրթություն | Երամյան վարժարան |
| Մասնագիտություն | գրող |
| Զբաղեցրած պաշտոններ | քաղաքապետ |
| Կուսակցություն | ՌԱԿ |
Կենսագրություն խմբագրել
Սովորել է Վանի Հիսուսյան և Երամյան վարժարաններում։ Երիտթուրքական հեղաշրջումից (1908) հետո ընտրվել է Վանի քաղաքապետ։ Մասնակցել է 1915 թվականի Վանի հերոսամարտին, որից հետո ռուսական զորքերի ու հայ գաղթականների հետ անցել արևելյան Հայաստան։ Պատերազմի ավարտից հետո վերադարձել է Թուրքիա, որոշ ժամանակ ապրել Կ. Պոլսում, որտեղ մասնակցել է ռամկավար ազատական կուսակցության հիմնադրմանը, այնուհետև հաստատվել է Փարիզում։ 1924-1926 թվականներին խմբագրել է «Ապագա» թերթը։
Հեղինակ է պատմահուշագրական երկերի՝ նվիրված Մկրտիչ Խրիմյանին («Արծիվը իր բույնի մեջ», 1938), Պողոս Նուբար փաշային («Նուպար», 1939), զորավար Անդրանիկին («Անդրանիկ», 1942), («Աթոսի հարիւր եւ մէկ պատմուածքներ», 1945), վեպ (Երկու տարի Ատիս Ապեպայի մէջ»)։ Գրել է նաև այլ գեղարվեստական գործեր՝ վեպեր, պիեսներ, պատմվածքներ[2]։
Ծանոթագրություններ խմբագրել
- ↑ 1,0 1,1 http://am.hayazg.info/index.php?curid=8968
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
 | Վիքիդարանն ունի նյութեր, որոնք վերաբերում են «Ավետիս Թերզիբաշյան» հոդվածին։ |
Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայկական հարց» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|