1878 թվականից 1903 թվականին գլխավորել է «Վանեմույնե» թատրոնը (Տարտու)։ Վիյրայի ղեկավարությամբ բեմադրվել է առաջին էստոներեն երաժշտական ներկայացումը՝ Վեբերի «Պրեցիոզա» (1883 թվականին)։ Բեմադրել է օպերաներ և օպերետներ՝ Պլանկետի «Կոռնևիլյան զանգակներ» (1885 թվականին), Շտրաուսի «Գնչուների բարոն» (1889 թվականին), էստոնական դրամատուրգիայից՝ Կունդերի «Մուրու Միկուի խելագարությունը» (1880 թվականին), «Պաշտոնաթող զինվորը» (1886 թվականին), Կոյդուլայի «Այդ Մուլկը» (1884 թվականին), ինչպես և դասական խաղացանկի պիեսներ (Մոլիեր, Շեքսպիր)։ Վիյրայի 1880 թվականից 1890-ական թվականների գործունեությունը նպաստել է ազգային թատերական մշակույթի ձևավորմանը։ Նա զարգացրել է Լ․ Կոյդուլայի դեմոկրատական ավանդույթները։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 452)։
Ռուսական կայսրություն
