Անտոնինոս Պիոս (Antoninus Pius, սեպտեմբերի 19, 86[1], Lanuvium, Հռոմէական Իտալիա, Հռոմեական կայսրություն - մարտի 7, 161[1], Լորիում, Հռոմէական Իտալիա, Հռոմեական կայսրություն), Հռոմի կայսր։ Լրիվ անունը՝ Տիտոս Ավրելիոս Ֆուլվիոս Բոյոնիոս Արիոս Անտոնինոս։ Պիոս՝ «Բարեպաշտ» է հորջորջվել իրեն որդեգրած Հադրիանոս կայսեր հիշատակի նկատմամբ հավատարմություն ցուցաբերելու համար։ Անտոնինոսն իր քաղաքական կարիերան սկսել է որպես սենատոր, 120 թ. ընտրվել է կոնսուլ և դարձել Հադրիանոսի վստահելի անձանցից մեկը։ Որդեգրվել է կայսրի կողմից 138 թ.։ Ընդ որում, ըստ որդեգրման պայմանի ինքը՝ Անտոնինոսը պարտավոր եղավ իր հերթին որդեգրել Մարկոս Ավրելիոսին և Մարկոս Անիոս Վերոսին, որոնք նրա մահից հետո ժառանգեցին հռոմեական գահը։ Անտոնինոսի կառավարման ժամանակաշրջանը համեմատաբար խաղաղ էր, սակավաթիվ ընդվզումները հռոմեական նահանգներում (Մավրիտանիա, Դակիա, Եգիպտոս և Գերմանիա) հաջողությամբ ճնշվեցին։ Բրիտանիայում Հադրիանոսի պատնեշից շուրջ 150 կմ հյուսիս կառուցվեց նոր պատնեշ, որը կոչվեց Անտոնինոսի անունով։ Անտոնինոսի կնոջ՝ Ֆաուստինայի մահից հետո (140 կամ 141 թ.) կայսրը ստեղծեց ալիմենտար հիմնադրամ՝ աղքատ ընտանիքներից պարմանուհիներին օժանդակություն ցուցաբերելու նպատակով։

Անտոնինոս Պիոս
Ծնվել է՝սեպտեմբերի 19, 86[1]
ԾննդավայրLanuvium, Հռոմէական Իտալիա, Հռոմեական կայսրություն
Մահացել է՝մարտի 7, 161[1] (74 տարեկան) բնական մահով
Վախճանի վայրԼորիում, Հռոմէական Իտալիա, Հռոմեական կայսրություն
Սուրբ Հրեշտակի ամրոց
ԵրկիրՀին Հռոմ
ՏոհմAntonines?
քաղաքական գործիչ
ՀայրTitus Aurelius Fulvus? և Հադրիանոս
ՄայրArria Fadilla?
ԵրեխաներՄարկոս Ավրելիոս, Լուցիոս Վերոս, Ֆաուստինա Կրտսեր[2], Marcus Galerius Aurelius Antoninus?, Aurelia Fadilla? և Marcus Aurelius Fulvus Antoninus?
Հավատքհին հռոմեական կրոն

Ծանոթագրություններ խմբագրել

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 456