Աննա Կարենինա (հեռուստասերիալ, 2013)
«Աննա Կարենինա», 2013 թվականի մինի-սերիալ՝ նկարահանված կանադացի ռեժիսոր Քրիստիան Դյուգեյի կողմից։ Լև Տոլստոյի համանուն վեպի էկրանավորումն է և Իտալիայի (Lux Vide), Գերմանիայի (Betafilm), Իսպանիայի (Telecinco Cinema) ու Ֆրանսիայի (Pampa Productions) համատեղ արտադրություն։ Գլխավոր դերը կատարել է իտալացի դերասանուհի Վիտորիա Պուչինին։ Եվրոպական հեռուստաէկրանների պրեմիերան կայացել է 2013 թվականի դեկտեմբերի 2-ին[1][2]։
 իտալ.՝ Anna Karenina | |
|---|---|
| Երկիր |  Իտալիա |
| Ժանր | վեպի հիման վրա նկարահանված հեռուստասերիալ և ռոմանտիկ ֆիլմ |
| Հիմք | Աննա Կարենինա |
| Թվական | 2013 |
| Լեզու | իտալերեն |
| Ռեժիսոր | Քրիստիան Դյուգեյ |
| Դերակատարներ | Վիտորիա Պուչչինի |
Անվան այլ կիրառումների համար տե՛ս՝ Աննա Կարենինա (այլ կիրառումներ)
Սյուժե
խմբագրելXIX դարի երկրորդ կես։ Ամուսնացած ազնվականուհի Աննա Կարենինան Սանկտ Պետերբուրգից գնացքով մեկնում է Մոսկվա, որպեսզի օգնի խաղաղություն հաստատել եղբոր՝ Օբլոնսկու ընտանիքում։ Պարահանդեսում նա հանդիպում է սպա Ալեքսեյ Վռոնսկուն, որի հետ ծանոթացել էր Մոսկվա ժամանելուց հետո։ Նրան սիրահարված է Կարենինայի բարեկամուհուն՝ երիտասարդ Կիտա Շչերբացկայային, որն այդ պատճառով մերժում է Կոնստանտին Լևինի սերը։ Վռոնսկու և Կարենինայի սերը սկիզբ է դառնում բարձրագույն հասարակության բարքերին և կարգերին հակասող պատմության, ցանկությունների ու պատվի միջև տատանումների։
Նկարահանումներ
խմբագրելԲնական պայմաններում նկարահանումներն անցկացվել են 2012 թվականի հոկտեմբեր-դեկտեմբերին Լիտվայի պատմական վայրերում[3][4]։ Մինի-սերիալի արտադրության մեջ ներգրավված է եղել 2000 ստատիստ, 100 ձի, 30 վագոն, Մերձբալթիակյի 50 ամենագեղեցիկ պատմական արիստոկրատական պալատները, 1200 կոստյում, 7 տոննա արհեստական ձյուն (մինչև ձյան տեղումները)։
Նկարահանումների ժամանակ սիրավեպ է սկսվել գլխավոր դերակատար Վիտորիա Պուչինիի և օպերատոր Ֆաբրիցիո Լուչիի միջև[5][6]։
Գլխավոր դերերում
խմբագրել- Վիտորիա Պուչինի – Աննա Կարենինա
- Սանտյագո Կաբրերա – Ալեքսեյ Վռոնսկի
- Բենիամին Զադլեր – Ալեքսեյ Կարենին
- Անխելա Մոլինա – կոմսուհի Վռոնսկայա
- Լու դե Լաաժ – Կիտի Շչերբացկայա
- Մաքս ֆոն Տուն – Կոնստանտին Լևին
- Կառլոտա Նատոլի – Դոլլի Շչերբացկայա
- Պիետրո Սերմոնտի – Ստեպան (Ստիվա) Օբլոնսկի
- Լեա Բոսկո – Բետսի
- Սիդնի Ռոմ – իշխանուհի Շչերբացկայա
- Դիլան Փիրս – Սերյոժա
Մրցանակներ
խմբագրել- «Աննա Կարենինա» հեռուստասերիալը մասնակցել է 2014 թվականի Premio Berenice-ին և ստացել մրցանակ լավագույն հագուստների համար (Best Costumes in Fiction — Enrica Biscossi (costume designer)[7]։
Ծանոթագրություններ
խմբագրել- ↑ Salvatore Cau (2013 թ․ դեկտեմբերի 2). «Anna Karenina: l'eroine senza tempo di Tolstoj rivive su RAI1 con il volto di Vittoria Puccini». NanoPress.
- ↑ «Anna Karenina». IMDb. Վերցված է 2018 թ․ նոյեմբերի 21-ին.
- ↑ Valerie Höhne (2014 թ․ հունվարի 3). «Neuverfilmung von Tolstois "Anna Karenina"». HÖRZU (գերմաներեն). Արխիվացված է օրիգինալից 2019 թ․ ապրիլի 23-ին. Վերցված է 2019 թ․ ապրիլի 24-ին.
- ↑ «ARD bringt "Anna Karenina" als bildschönes Großprojekt». DerWesten (գերմաներեն). 2013 թ․ դեկտեմբերի 30. Արխիվացված է օրիգինալից 2019 թ․ ապրիլի 23-ին. Վերցված է 2018 թ․ նոյեմբերի 21-ին.
- ↑ «Vittoria Puccini: da Anna Karenina a Oriana Fallaci, l'amore e il successo sul piccolo schermo». Tvzap (իտալերեն). 2013 թ․ նոյեմբերի 20. Վերցված է 2018 թ․ նոյեմբերի 21-ին.
- ↑ LAVINIA FARNESE (2014 թ․ հունվարի 7). «Vittoria Puccini: «Questo amore non mi fa paura» - VanityFair.it». VanityFair.it (իտալերեն). Վերցված է 2018 թ․ նոյեմբերի 21-ին.
- ↑ Awards — IMDb
Արտաքին հղումներ
խմբագրել- Աննա Կարենինա (2013)(անգլ.) ֆիլմը Internet Movie Database կայքում