Անի Ամիրյան
Անի Ամիրյան (սեպտեմբերի 19, 1984, Երևան, Հայկական ԽՍՀ, ԽՍՀՄ), հայ լրագրողուհի, երգչուհի[1]։
| Անի Ամիրյան | |
|---|---|
| Ծնվել է | սեպտեմբերի 19, 1984 (39 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Կրթություն | Աղասի Խանջյանի անվան թիվ 53 դպրոց, Հայաստանի Երգի պետական թատրոն և Հայկական պետական մանկավարժական համալսարան |
| Մասնագիտություն | երգչուհի և լրագրող |
Կենսագրություն խմբագրել
Անի Ամիրյանը ծնվել է 1984 թվականի սեպտեմբերի 19-ին՝ Երևան քաղաքում[2]։ Անիի եղբայրը հաղորդավար Արտավազդ Ամիրյանն է, ամուսինը՝ դերասան, պարող Ստեփան Ղամբարյանը։
Միջնակարգ կրթությունը ստացել է Աղասի Խանջյանի անվան թիվ 53 դպրոցում, որից հետո՝ 2001-2004 թվականներին ուսումը շարունակել է է Հայաստանի Երգի պետական թատրոնի վոկալի բաժնում։ Երևանի Խաչատուր Աբովյանի անվան պետական մանկավարժական ինստիտուտի կուլտուրայի ֆակուլտետի մասսայական հանդիսությունների ռեժիսուրայի բաժին ավարտել է 2006 թվականին։
2005-2008 թվականներին Անի Ամիրյանը եղել է «Հեքիաթների մոլորակ» մանկական հաղորդաշարի հեղինակն ու վարողը։ 2007 թվականին աշխատանքի է անցել «Երևան» ռադիոկայանում, եղել է լրատվական խմբագիր և մեկնաբան, հետագայում` ծրագրերի ղեկավար։
Հանդես է եկել նաև որպես երգչուհի, ձայնագրել մի քանի երգ, դուետներ և թողարկել մեկ տեսահոլովակ։
Ծանոթագրություններ խմբագրել
- ↑ «Ստեփան Ղամբարյանի և Անի Ամիրյանի գեղեցիկ ընտանիքը. ինչպես է մեծացել նրանց դուստրը». tert.am. Արխիվացված է օրիգինալից 2021 թ․ հոկտեմբերի 20-ին. Վերցված է 2021 թ․ սեպտեմբերի 19-ին.
- ↑ «AV Production - Անի Ամիրյան». avproduction.am. Արխիվացված է օրիգինալից 2021 թ․ սեպտեմբերի 25-ին. Վերցված է 2021 թ․ սեպտեմբերի 19-ին.