Աման Կուլմամեդով
Աման Կուլմամեդով (դեկտեմբերի 31, 1908, Askgabat District, Անդրկասպյան մարզ, Թուրքեստան, Ռուսական կայսրություն - օգոստոսի 22, 1977, Աշխաբադ, Թուրքմենական ԽՍՀ, ԽՍՀՄ), թուրքմեն խորհրդային դերասան։ ԽՍՀՄ ժողովրդական արտիստ (1949)։ ՍՄԿԿ անդամ 1940 թվականից։
 | |
|---|---|
| Ծնվել է | դեկտեմբերի 31, 1908 |
| Ծննդավայր | Askgabat District, Անդրկասպյան մարզ, Թուրքեստան, Ռուսական կայսրություն |
| Մահացել է | օգոստոսի 22, 1977 (68 տարեկան) |
| Մահվան վայր | Աշխաբադ, Թուրքմենական ԽՍՀ, ԽՍՀՄ |
| Քաղաքացիություն |  ԽՍՀՄ |
| Մասնագիտություն | դերասան և քաղաքական գործիչ |
| Պարգևներ և մրցանակներ |     և  |
1929 թվականին ավարտել է Թուրքմենական դրամատիկական ստուդիան և ընդունվել առաջին ազգային դրամատիկական թատրոն (այժմ՝ Աշխաբադի Մոլլանեպեսի անվան թուրքմենական դրամայի թատրոն)։ Ստեղծել է մոնումենտալ, դրամատիկական ռեալիստական կերպարներ՝ Մահտումկուլի (Քերբաբաևի «Մահտումկուլի»), Ալլան (Մուխտարովի «Ալլանի ընտանիքը», ԽՍՀՄ պետական մրցանակ, 1951), Օթելլո (Շեքսպիրի «Օթելլո»)։ Կուլմամեդովի երգիծական դերակատարումներից են՝ Յուսովը (Օստրովսկու «Եկամտաբեր պաշտոն»), Իվան Գոռլովը (Կոռնեյչուկի «Ռազմաճակատ»)։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 5)։ 
|