Ալեքսանդր Սամվելյան
- Վիքիպեդիայում կան հոդվածներ Սամվելյան ազգանունով այլ մարդկանց մասին։
Ալեքսանդր Մնացականի Սամվելյան (օգոստոսի 22, 1922, Աշտարակ, Էջմիածնի գավառ, Հայկական ԽՍՀ, ԱԽՖՍՀ), գինեգործ։ Տեխնիկական գիտությունների դոկտոր (1995)։ Խաղողագործության և գինեգործության միջազգային ակադեմիայի ակադեմիկոս (1998)։
| Ալեքսանդր Սամվելյան | |
|---|---|
| Ծնվել է | օգոստոսի 22, 1922 (101 տարեկան) |
| Ծննդավայր | Աշտարակ, Էջմիածնի գավառ, Հայկական ԽՍՀ, ԱԽՖՍՀ |
| Գիտական աստիճան | տեխնիկական գիտությունների դոկտոր |
Կենսագրություն խմբագրել
1949 թվականին ավարտել է Երևանի պետական համալսարանի քիմիական ֆակուլտետը։ 1949 թվականից աշխատել է խաղողապտղագինեգործության գիտական կենտրոնի գինու տեխնոլոգիայի լաբորատորիայում, 1976 թվականից՝ վարիչ։ 1961 թվականից եղել է «Պոլիֆենոլներ» միջազգային խմբի անդամ։
Գործունեություն խմբագրել
Աշխատանքները վերաբերում են ՀՀ-ում մշակվող խաղողի ժողովրդական և ժամանակակից ընտրասերման լավագույն սորտերից խերեսային գինիների հոսքային տեխնոլոգիաների մշակման, գինու խերեսացման կենսաքիմիական շարժընթացների բացահայտման խնդիրներին։ Ուսումնասիրել է խաղողի սևապտուղ սորտերի և կարմիր գինու ներկանյութերի բուժիչ և առողջարար առանձնահատկությունները։ Սևապտուղ խաղողի վերամշակման թափոն ջեջայից (չեչ) մշակել է «էնոներկանյութ» և «էնովիտամին» ստանալու տեխնոլոգիաներ։
Համահեղինակ է երկու սեղանի անապակ, մեկ կիսաքաղցր և վեց աղանդերային գինիների ստացման, ինչպես նաև «Կոլխոզային գինեգործություն» (1959), «Սկզբնական գինեգործություն» (1959), «Մասնավոր գինեգործություն» (2003) գրքերի[1]։
Ծանոթագրություններ խմբագրել
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.