Ալեքսանդր Նևսկու եկեղեցի (Թբիլիսի)
- Անվան այլ կիրառումների համար տե՛ս՝ Ալեքսանդր Նևսկու եկեղեցի (այլ կիրառումներ)
Ալեքսանդր Նևսկու եկեղեցի, ուղղափառ եկեղեցի Թբիլիսիում՝ Վրաստանի մայրաքաղաքում։ Գտնվում է Մարջանիշվիլի փողոցում։ Առօրյայում եկեղեցին անվանում են պարզապես «ռուսական եկեղեցի»։ Վերայում՝ հարևանությամբ գտնվող սուրբ Վլադիմիրի եկեղեցու հետ Թբիլիսիում համարվում են բացառիկ, քանի որ ժամերգություններն ամբողջությամբ կատարվում են հին սլավոնական եկեղեցական լեզվով։
Ալեքսանդր Նևսկու եկեղեցի Александро-Невская церковь (Тбилиси) | |
---|---|
Հիմնական տվյալներ | |
Տեսակ | եկեղեցի |
Երկիր | Վրաստան |
Տեղագրություն | Թբիլիսի |
Անվանված | Ալեքսանդր Նևսկի |
Հիմնադրված | 1864 թիվ |
Alexander Nevsky Church, Tbilisi Վիքիպահեստում |
Պատմություն խմբագրել
Ալեքսանդր Նևսկու եկեղեցին կառուցվել է 1864 թվականին հավատացյալների հանգանակությամբ։ Լրացուցիչ 5 000 ռուբլի է հատկացրել Սուրբ սինոդը։ 1886 թվականին եկեղեցուն կից կառուցել են նաև զանգակատուն։ Կա նաև երկու սեղանատուն՝ Ալեքսանդր Նևսկու և Նիկոլայ Հրաշագործի անուններով, որոնք կառուցվել են 1900 թվականին Նիկոլայ II ցարի օրոք։ 1913 թվականին եկեղեցու հարևանությամբ կառուցեցին նաև ժամատուն ՝ ի հիշատակ Ռոմանովների դինաստիայի 300-ամյակին։
Եկեղեցում կան մի շարք սրբություններ՝ Մարիամ Մագդաղենացու մասունքները, Սուրբ Նինայի, Նիկոլայ Հրաշագործի, սուրբ Շիո Մգվիմսկիի մասունքները։
1950-ից 1982 թվականներին եկեղեցու քահանան էր մետրոպոլիտն Զինովին, որը թաղված է եկեղեցու հյուսիսային պատի մոտ։
1970-ական թվականներին եկեղեցում էր ծառույություն մատուցում վանահայր Վիտալին, որը բակում, խորանի կողմում է թաղված։
Աղբյուրներ խմբագրել
- «Ведомости Патриархии» № 34, 1999
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ալեքսանդր Նևսկու եկեղեցի (Թբիլիսի) կատեգորիայում։ |