Ալեքսանդր Բլոկի տուն-թանգարան
Ալեքսանդր Բլոկի տուն-թանգարան (ռուս.՝ Музей-квартира А. Блока), թանգարան Ռուսաստանի Դաշնության Սանկտ Պետերբուրգ քաղաքում[1], Սանկտ Պետերբուրգի պատմության թանգարանի մասնաճյուղը։ Նվիրված է ռուս նշանավոր բանաստեղծ Ալեքսանդր Բլոկին (1880-1921)։
Ալեքսանդր Բլոկի տուն-թանգարան | |
|---|---|
 | |
| Տեսակ | հուշային թանգարան |
| Երկիր |  Ռուսաստան |
| Տեղագրություն | Սանկտ Պետերբուրգ |
| Վայր | Dekabristov Street 57, Saint Petersburg? |
| Հիմնադրվել է | նոյեմբերի 28, 1980 |
| Կայք | spbmuseum.ru/themuseum/museum_complex/blok_museum/ |
 | |
 | |
Թանգարանը բացվել է 1980 թվականի նոյեմբերի 28-ին այն տանը, որտեղ իր կյանքի վերջին տարիներին ապրել է Ալեքսանդր Բլոկը. նա այս տանն անցկացրել է ինը տարի՝ 1912 թվականի հուլիսից մինչև իր մահը՝ 1921 թվականի օգոստոսի 7–ը։ Բանաստեղծի մահից հետո նրա արխիվը, գրադարանն ու անձնական իրերը պահպանվել են նրա կնոջ՝ Լյուբով Բլոկի կողմից։ Վերջինիս մահից հետո (1939) այդ ամենը հանձնվել է ԽՍՀՄ Գիտությունների ակադեմիայի՝ Ռուս գրականության ինստիտուտին (Պուշկինի տուն), որտեղ մասամբ ցուցադրվել են 1960—1970-ական թվականներին։
Թանգարանը բաղկացած է երկու բաժնից՝ հուշարձանային բնակարանը 4-րդ հարկում, որ կահավորված է բանաստեղծի անձնական գույքով, և գրական ցուցադրությունը 2-րդ հարկում, որ պատմում է Բլոկի կյանքի ու ստեղծագործության մասին։
Ա. Բլոկն ապրել է Սպաների փողոց, 57 հասցեում (այժմ՝ Դեկաբրիստների, 57)՝ 1912 թվականի հունիսի 24-ից մինչ իր մահը՝ հաջորդաբար զբաղեցնելով երկու բնակարաններ։ Բանաստեղծի ծննդյան 100-ամյակի կապակցությամբ 1980 թվականի նոյեմբերին այդ բնակարանում բացվեց թանգարան։ Թանգարանում այցելուներին է ներկայացվում երեք ցուցադրություն՝ հուշարձանային (բնակարան № 21), գրական (բնակարան № 23) և «Բլոկն ու նրա շրջապատը» (ռուս.՝ «Блок и его окружение»)[2] ցուցադրությունը, որի բացումը տեղի է ունեցել 2008 թվականին (բնակարան № 21)։
Ծանոթագրություններ խմբագրել
- ↑ «Музей-квартира Блока». Արխիվացված օրիգինալից 2018 թ․ դեկտեմբերի 20-ին. Վերցված է 2018 թ․ դեկտեմբերի 13-ին.
- ↑ Музей-квартира А. А. Блока
Արտաքին հղումներ խմբագրել
- Թանգարանի պաշտոնական կայքը
- Ֆոտոէքսկուրս թանգարանում(չաշխատող հղում)
 | Վիքիպահեստն ունի նյութեր, որոնք վերաբերում են «Ալեքսանդր Բլոկի տուն-թանգարան» հոդվածին։ |