Ալեսանդրո Պիկոլոմինի
Ալեսանդրո Պիկոլոմինի (երբեմն Ալեսանդր կամ Ալեքսանդր, իտալ.՝ Alessandro Piccolomini, հունիսի 13, 1508[1][2], Սիենա, Տոսկանա, Իտալիա - մարտի 12, 1579[1], Սիենա, Տոսկանա, Իտալիա), իտալացի գրող, հումանիստ, փիլիսոփա և աստղագետ, սիենական Պիկոլոմինիների գերդաստանի անդամ։
| Ալեսանդրո Պիկոլոմինի | |
|---|---|
 | |
| Ծնվել է | հունիսի 13, 1508[1][2] |
| Ծննդավայր | Սիենա, Տոսկանա, Իտալիա |
| Մահացել է | մարտի 12, 1579[1] (70 տարեկան) |
| Մահվան վայր | Սիենա, Տոսկանա, Իտալիա |
| Կրոն | Հռոմի Կաթոլիկ եկեղեցի[3] |
| Մասնագիտություն | աստղագետ, կաթոլիկ քահանա, փիլիսոփա, թարգմանիչ, դրամատուրգ և բանաստեղծ |
| Զբաղեցրած պաշտոններ | կաթոլիկ արքեպիսկոպոս և titular archbishop of Patrae? |
 Alessandro Piccolomini Վիքիպահեստում | |
Կենսագրություն խմբագրել
Պիկոլոմինին ծնվել է Իտալիայի Սիենա գավառում։ Պատկանել է հայտնի և ազդեցիկ սիենական Պիկոլոմինիների գերդաստանին, որը տվել է երկու պապ՝ Պիոս II և Պիոս III:
1539 թվականին տեղափոխվել է Պադովա, որտեղ սովորել է տեղի համալսարանում։ Այստեղ նա հետաքրքրվել է բնական գիտություններով և 1540 թվականին թողարկել է տրակտատ «Աշխարհի ոլորտների և անշարժ աստղերի մասին» (De la sfera del mondo e delle stelle fisse), որտեղ նկարագրել է տիեզերքի և նրա օրենքների մասին, այն ժամանակվա գիտական պատկերացումներով։ Տրակտատը կազմած էր 6 գրքերից, նվիրված տարբեր հարցերի՝ Էվկլիդյան երկրաչափությունից և գնդաձև կոնստրուկցիաներից մինչև Պտղոմեոսյան տարածքներ և Երկրի ջերմային գոտիների երկրաչափական նկարագրություններ։ Պիկոլոմինին առաջին անգամ օգտագործել է տառային՝ լատինական նշանագրությունը, համաստեղությունների աստղերը անվանելու համար։ 50 տարի անց Բայերը դասակարգեց այն առավել հաջորդական՝ օգտագործելով հունական այբուբենը։
1546 - 1558 թվականներին ապրել է Հռոմում։ 1574 թվականին կնքվել է Պատրասի արքեպիսկոպոս, մնացել է Սիենայում որպես արքեպիսկոպոս Ֆրանչեսկո Պիկոլոմինիի օգնական։ Մահացել է 1578 թվականի մարտի 12 -ին Սիենայում։
Մեծ համբավ է ձեռք բերել դառնալով Սիենայի Խուլերի թատերական ակադեմիայի անդամ (Accademia degli Intronati), «Ապշեցնող» (di Stordito) կեղծանվամբ և մասնակցություն է ունեցել նրա գործունեությանը։ Նրա ստեղծագործությունները զբաղեցրել են իրենց որոշակի և ուրույն տեղը 16 -րդ դարի գրականության շարքում։
Ստեղծագործություններ խմբագրել
- 1536 «Սիրո կայունությունը»(L’amor costante), կոմեդիա
- 1540 «Աշխարհի ոլորտների և անշարժ աստղերի մասին» (De la sfera del mondo e delle stelle fisse), տրակտատ
- 1543—1544 «Ալեքսանդր», կոմեդիա
- 1572 "Դիտողություններ Արիստոտելյան Պոետիկային"
- «Կիպրոսեցու կոչը», ողբերգություն
Հիշատակ խմբագրել
1935 թվականի Միջազգային աստղագիտական միությունը Ալեսանդրո Պիկոլոմինիի անունով կոչեց Լուսնի երևացող կողմի խառնարաններից մեկ։
Ծանոթագրություններ խմբագրել
- ↑ 1,0 1,1 1,2 1,3 1,4 Tomasi F. Dizionario Biografico degli Italiani (իտալ.) — 2015. — Vol. 83.
- ↑ 2,0 2,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ Catholic-Hierarchy.org — USA: 1990.
Արտաքին հղումներ խմբագրել
 | Վիքիպահեստն ունի նյութեր, որոնք վերաբերում են «Ալեսանդրո Պիկոլոմինի» հոդվածին։ |