Ադրբեջանը քաղաքակրթությունից դուրս (գիրք)
«Ադրբեջանը քաղաքակրթությունից դուրս» (անգլ.՝ Azerbaijan out of civilization, ռուս.՝ Азербайджан вне цивилизации), Հայկական ճարտարապետությունն ուսումնասիրող հիմնադրամի կողմից 2017 թվականին հրատարակված գիրք։ Այն հեղինակել է հուշարձանագետ, պատմաբան, բանահավաք, Հայկական ճարտարապետությունն ուսումնասիրող հիմնադրամի երևանյան գրասենյակի ղեկավար Սամվել Կարապետյանը։ Տպագրվել է եռալեզու տարբերակով՝ հայերեն, անգլերեն և ռուսերեն։ Աշխատությունը նվիրվել է Արցախը ադրբեջանական տիրապետությունից ազատագրելու և այնտեղ հայկական պետականության վերականգնման 25-ամյակին (1991-2016 թվականներ), ինչպես նաև հայոց պատմության այդ էջը կերտողներին։ Գրքում ներկայացված են մանրամասն տեղեկություններ, թե ինչպես է ժամանակակից Ադրբեջանի տարածքում Ադրբեջանի զինված ուժերի կիրառմամբ Ադրբեջանը 1990-ական թվականներից սկսած երկու տասնամյակի ընթացքում ոչնչացրել հայկական հուշարձանները։ Ներկայացված են նաև բովանդակությանն առնչվող պատմական և ժամանակակից արժեքավոր լուսանկարներ, գծապատկերներ, քարտեզներ[1][2]
Ադրբեջանը քաղաքակրթությունից դուրս | |
|---|---|
| Հեղինակ | Սամվել Կարապետյան |
| Տեսակ | գիրք |
| Բնօրինակ լեզու | Հայերեն |
| Լեզու | Անգլերեն, ռուսերեն |
| Էջեր | 172 |
| Երկիր |  Հայաստան |
| Հրատարակման վայր | Երևան |
| Հրատարակիչ | Հայկական ճարտարապետությունն ուսումնասիրող հիմնադրամ |
| Հրատարակման տարեթիվ | 2017 թվական |
| ԳՄՍՀ | ISBN 978-9939-843-31-5 |
| ՀՏԴ | Կ 294 |
| ԳՄԴ | 71 |
| Թվային տարբերակ | raa-am.com/Adrbejan_durs/Adrbejan_durs_poqr.pdf |
«Ադրբեջանը քաղաքակրթությունից դուրս» գրքի հրատարակմանը աջակցել են Հայաստանի Հանրապետության կառավարությանն առընթեր քաղաքաշինության պետական կոմիտեի և «Մոն-Արխ» ընկերությունը[1][2]։
Տես նաև խմբագրել
Ծանոթագրություններ խմբագրել
- ↑ 1,0 1,1 ««Ադրբեջանը քաղաքակրթությունից դուրս». Գիրք այն մասին, թե ինչպես են պետական ծրագրով ոչնչացնում հայկական հուշարձանները»
- ↑ 2,0 2,1 «Ադրբեջանը քաղաքակրթությունից դուրս» գրքի մասին տեղեկություններ Հայկական ճարտարապետությունն ուսումնասիրող հիմնադրամի կայքում Արխիվացված 2021-02-16 Wayback Machine (արխիվացված)։