Ադել Ջերգենս
Ադել Ջերգենս (անգլ.՝ Adele Jergens, նոյեմբերի 26, 1917[1][2], Բրուքլին, Նյու Յորք, Նյու Յորք, ԱՄՆ - նոյեմբերի 22, 2002[1][2], Կամարիլյո, Վենտուրա շրջան, Կալիֆոռնիա, ԱՄՆ), ամերիկացի դերասանուհի և պարուհի։
| Ադել Ջերգենս | |
|---|---|
 | |
| Ծնվել է | նոյեմբերի 26, 1917[1][2] |
| Ծննդավայր | Բրուքլին, Նյու Յորք, Նյու Յորք, ԱՄՆ |
| Մահացել է | նոյեմբերի 22, 2002[1][2] (84 տարեկան) |
| Մահվան վայր | Կամարիլյո, Վենտուրա շրջան, Կալիֆոռնիա, ԱՄՆ |
| Գերեզման | Oakwood Memorial Park Cemetery |
| Քաղաքացիություն |  ԱՄՆ |
| Մայրենի լեզու | անգլերեն |
| Մասնագիտություն | դերասանուհի, պարուհի, կինոդերասանուհի, հեռուստատեսային դերասանուհի և մոդել |
| Ամուսին | Glenn Langan? |
| Պարգևներ և մրցանակներ | |
 Adele Jergens Վիքիպահեստում | |
Կենսագրություն խմբագրել
Ծնվել է Բրուքլինում, Նյու Յորք։ Առաջինը անգամ հանրության առաջ հանդես է եկել 1930-ական թվականներին, երբ 1939 թվականին Նյու Յորքում Համաշխարհային ցուցահանդեսի ժամանակ ճանաչվել է «Ամենահիասքանչ միսս աշխարհ»[3]։ 1940-ական թվականների սկզբին Ջերգենսը աշխատել է «Ռոքեթս» պարային թատերախմբում և Նյու Յորքի լավագույն պարուհիներից մեկն է ճանաչվել[4]։
Որպես մոդել և պարուհի մի քանի տարի աշխատելուց հետո նրան հաջողվել է մտնել Հոլիվուդ և 1944 թվականին «Columbia Pictures»-ի հետ պայմանագիր է ստորագրել, մուգ թխահերից նա պլատինե շիկահեր է դարձել[3]։ Իր կինոկարիերան սկսել է «Սև նետ» ֆիլմում դեր կատարելուց հետո (1944), որից հետո հաջորդել են «Երկնքից երկիր» (1947), «Մութ անցյալը» (1948)[5], «Խմբերգչուհիներ» (1948)[6], «Կատաղության ձայնը» (1950) և «Ճանապարհորդող վաճառուհին» (1950) ֆիլմերի նկարահանումնները։
1949 թվականին «Մոնտե Քրիստոյի գանձերը» նուարի նկարահանման ժամանակ Ջերգենսը ճանոթացել է իր ապագա ամուսնու՝ դերասան Գլեն Լանգանի հետ, որի հետ նույն տարում ամուսնացել է[6]։ 1952 թվականին ծնվել է նրանց որդին՝ Թրեյսի Լանգանը, որը ծնողների պես ևս դերասան է դարձել։
1950-ական թվականներին Ջերգենսը շարունակել է նկարահանվել ինչպես կինոյում («Կատաղության ձայնը», «Էբբոթ և Կոստելլոն հանդիպում են անտեսանելի մարդու», «Այն օրը, երբ եկավ երկիր վերջը»), այնպես էլ հեռուստատեսությունում («Ջորջ Բյորնսի և Գրեյսի Ալլենի շոուն», «Տեղ ազատեք հայրիկի համար», «Հաջողություն զինվորներ»), 1956 թվականին ավարտել է իր կարիերան։
1991 թվականին ամուսինը՝ Գլեն Լանգանը, մահացել է լիմֆոմայից, իսկ 2001 թվականին քաղցկեղից մահացել է նրա միակ տղան[7]։
Տղայի մահը վատ է անդրադարձել դերասանուհու առողջության վրա, և մեկ տարի անցած մահացել է թոքաբորբից, չորս օրից պետք է լրանարար նրա 85 տարին։ ԱՄՆ-ի կինոարտադրության մեջ իր ունեցած ներդրման համար Հոլիվուդյան փառքի ծառուղում պարգևատրվել է աստղով։
Ծանոթագրություններ խմբագրել
- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 2,2 2,3 2,4 Discogs — 2000.
- ↑ 3,0 3,1 Hal Erickson. «Adele Jergens - Biography, Movie Highlights and Photos». AllMovie. Արխիվացված օրիգինալից 2016 թ․ օգոստոսի 14-ին. Վերցված է 2017 թ․ դեկտեմբերի 17-ին.
- ↑ «Adele Jergens, 84; Blond Bombshell in Many Films». latimes.com. Արխիվացված օրիգինալից 2017 թ․ հունիսի 30-ին. Վերցված է 2017 թ․ դեկտեմբերի 17-ին.
- ↑ Ronald Bergan. «Obituary: Adele Jergens». the Guardian. Արխիվացված օրիգինալից 2016 թ․ սեպտեմբերի 21-ին. Վերցված է 2017 թ․ դեկտեմբերի 17-ին.
- ↑ 6,0 6,1 «Adele Jergens at Brian's Drive-In Theater». briansdriveintheater.com. Արխիվացված օրիգինալից 2015 թ․ հունիսի 27-ին.
- ↑ «Adele Jergens - The Private Life and Times of Adele Jergens». glamourgirlsofthesilverscreen.com. Արխիվացված օրիգինալից 2015 թ․ սեպտեմբերի 24-ին.
 | Վիքիպահեստն ունի նյութեր, որոնք վերաբերում են «Ադել Ջերգենս» հոդվածին։ |