Ադամ Խուդոյան
Ադամ Գեղամի Խուդոյան (փետրվարի 21, 1921[1][2], Երևան, Հայկական ԽՍՀ - ապրիլի 1, 2000, Երևան, Հայաստան), հայ կոմպոզիտոր, ՀԽՍՀ արվեստի վաստակավոր գործիչ (1965)։
| Ադամ Խուդոյան | |
|---|---|
 | |
| Հիմնական տվյալներ | |
| Ծնվել է | փետրվարի 21, 1921[1][2] Երևան, Հայկական ԽՍՀ |
| Երկիր |  ԽՍՀՄ և  Հայաստան |
| Մահացել է | ապրիլի 1, 2000 (79 տարեկան) Երևան, Հայաստան |
| Մասնագիտություն | կոմպոզիտոր |
| Աշխատավայր | Երևանի պատանի հանդիսատեսի |
| Կրթություն | Ալեքսանդր Սպենդիարյանի անվան երաժշտական մասնագիտական դպրոց և Երևանի Կոմիտասի անվան պետական կոնսերվատորիա (1945) |
| Պարգևներ |  |
Կենսագրություն խմբագրել
Սովորել է Սպենդիարյանի անվան երաժշտական դպրոցում, 1938 թվականին ընդունվել է Երևանի երաժշտական ուսումնարան։ 1945 թվականին ավարտել է Երևանի Կոմիտասի անվան պետական կոնսերվատորիան` Վարդգես Տալյանի դասարանը։ 1948 թվականին կատարելագործվել է Մոսկվայի հայկական մշակույթի տանը կից ստուդիայում` Գենրիխ Լիտինսկու արվեստանոցում։ Հայաստանում զբաղեցրել է մի շարք պաշտոններ Պատանի հանդիսատեսի թատրոնում, հեռուստառադիոյում և Հայաստանի կոմպոզիտորների միությունում, որի պատասխանատու քարտուղարն էր և արտասահմանյան կապերի հանձնաժողովի նախագահը[3]։ Թավջութակի համար գրված իր ստեղծագործությունների առաջին կատարողի՝ Մեդեա Աբրահամյանի հետ միասին 1968 թվականին արժանացել է Բուլղարիայի Ռուսե քաղաքի պատվավոր քաղաքացու կոչման։
Նրա ստեղծագործությունները հնչել են Ֆինլանդիայում, Գերմանիայում, Լեհաստանում, Ֆրանսիայում, Հնդկաստանում, Անգլիայում, Ավստրիայում, Չեխոսլովակիայում։ Ստեղծագործել է հիմնականում սիմֆոնիկ («Սևան», 1951, «Արա լեռ», 1994) և կամերային ժանրերում՝ Տիգրան Պետրոսյանին նվիրված սիմֆոնիա, սիմֆոնիկ պատկերներ, թավջութակի երեք կոնցերտներ, ջութակի, թավջութակի մենանվագ սոնատներ, լարային կվարտետներ, պիեսներ ջութակի, դաշնամուրի համար, ռոմանսների շարք ըստ Եղիշե Չարենցի և այլ գործեր[4][5]։
Երկեր խմբագրել
- Воспоминания, Ереван, 2001.
Ծանոթագրություններ խմբագրել
- ↑ 1,0 1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 Երաժշտություն (ֆր.)
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
- ↑ «Ադամ Խուդոյանի կենսագրությունը avproduction.am կայքում». Արխիվացված է օրիգինալից 2021 թ․ մարտի 4-ին. Վերցված է 2018 թ․ փետրվարի 19-ին.
- ↑ «Ադամ Խուդոյանի մասին musicofarmenia.com կայքում». Արխիվացված է օրիգինալից 2016 թ․ մարտի 25-ին. Վերցված է 2015 թ․ հունիսի 27-ին.
Գրականություն խմբագրել
- «Ադամ Խուդոյան». Հուշեր, Արմեն Բուդաղյան, 2001 (ռուսերեն)
 | Վիքիդարանն ունի նյութեր, որոնք վերաբերում են «Ադամ Խուդոյան» հոդվածին։ |