Աբլխարիբ Հավնունի
Աբլխարիբ Հավնունի (ծննդյան և մահվան թվականներն անհայտ, 10-րդ դար), Իշխանաց իշխան և սպարապետ Վասպուրականի թագավորությունում, Աշոտ Արծրունի (968-991) թագավորի կառավարման ժամանակ, Վասպուրականի զորավար Ապլղարիպ Հավնունիի եղբորորդին Հավնունիների իշխանական տոհմից։
| Աբլխարիբ Հավնունի Աբլխարիբ Հաւնունի | |||
| |||
|---|---|---|---|
| 10-րդ դար | |||
| |||
| 10-րդ դար | |||
| Ազգություն | Հայ | ||
| Դավանանք | Քրիստոնեություն | ||
| Դինաստիա | Հավնունիներ | ||
| Ռազմական ծառայություն | |||
| Պատկանելություն՝ | Վասպուրականի թագավորություն | ||
| Կոչում՝ | Վասպուրականի Սպարապետ | ||
Աբլխարիբ Հավնունուն Իշխանաց իշխան էր կարգել Վասպուրականի թագավոր Աշոտ Արծրունին։ Վերջինիս հրամանով 983 թվականին իր ընկերներ Գրիգոր իշխանի և Տիգրան մարզպանի հետ գնացել է Գողթանի Աբուտլուփ ամիրայի հարձակմանը դիմադրելու։ Հասնելով Վասպուրականի Ճուաշ գավառ, Աբլխարիբ Հավնունու զորքը բանակ է դնում Բակյար (Բակեար) վայրում։ Իրենց ձիերին արձակելով արածելու համար, զորքը սկսում է հանգստանալ, ոմանք էլ քնում եմ։ Այդ ժամանակ Աբուտլուփ ամիրայի զորքը հասնելով այդ վայր, չորս կողմից հարձակվելով պաշարում են Հավնունու բանակը։ Հայ զինվորները արագորեն փախչելով ամրանում են մերձակա Բակյար ամրոցում և այնտեղ արգելվում։ Ամիրայի զորքը հափշտակելով նրանց ձիերը, ուղարկում է Աբլխարիբ Հավնունու մոտ խոստանալով անվնաս թողնել նրանց եթե նրանք վայր դնեն զենքերը։ Հավատալով թշանմու խոստումներին՝ նրանք հանձնում են իրենց զենքերը։ Ամիրան դրժելով իր երդումը, բոլորին կոտորում է բացի Աբլխարիբից, Գրիգորից և Տիգրանից։ Վերջիններից ձերբակալելով տանում են Գողթն գավառ։ Աբուտլուփը վերցնելով փրկագին՝ ազատ է արձակում նրանց։
Աղբյուրներ խմբագրել
- Հայոց անձնանունների բառարան, Հրաչյա Աճառյան, 1942 թ. Հատոր 1, Ցուցակ 1, Էջ 21
- «Տիեզերական պատմություն», Ստեփանոս Ասողիկ, 1885 թ. Սանկտ-Պետերբուրգ, Գիրք Գ, գլուխ ժգ (էջ 189-190)
- «Պատմուիւն Հայոց», Միքայել Չամչյան, հատոր Բ, էջ 866-867