Աբդուրահիմ Տիլեշուպ Օտկուր
Աբդուրահիմ Տիլեշուպ Օտկուր (ռուս.՝ Абдурахим Тилешуп Откур, հունիսի 13, 1923, Իչժոու, Սինցզյան, Չինաստանի Հանրապետություն - հոկտեմբերի 5, 1995), ույղուր բանաստեղծ և արձակագիր, 20-րդ դարի ույղուրական մշակույթի առավել հայտնի գործիչներից։
Աբդուրահիմ Տիլեշուպ Օտկուր ույգ.՝ ئابدۇرېھىم تىلەشۈپ ئۆتكۈر | |
|---|---|
| Ծնվել է | հունիսի 13, 1923 |
| Ծննդավայր | Իչժոու, Սինցզյան, Չինաստանի Հանրապետություն |
| Վախճանվել է | հոկտեմբերի 5, 1995 (72 տարեկան) |
| Մասնագիտություն | բանաստեղծ |
| Լեզու | ույղուրերեն |
| Կրթություն | Սինցզյանի համալսարան |
| Ժանրեր | պոեզիա |
Կենսագրություն խմբագրել
1942 թվականին ավարտել է Սինցզյանի համալսարանը և մինչև 1949 թվականն աշխատել է որպես «Altay Geziti till» թերթի խմբագիր։ 1949-1980 թվականներին լավ տիրապետելով ույղուրերենին, չինարենին, ռուսերենին, անգլերենին և մի շարք թյուրքական լեզուների, որպես թարգմանիչ աշխատել է մի շարք պետական հաստատություններում։
1980 թվականից եղել է Սինցզյան Ույղուրական ինքնավար մարզի փիլիսոփայության և սոցիալական գիտությունների ակադեմիայի գրական հետազոտությունների ինստիտուտի աշխատակից։ 1988 թվականին նշանակվել է «Kutadgu Bilig» ընկերության փոխնախագահ։ Որոշ աղբյուրների համաձայն, երկու անգամ (1951-1958, այնուհետեւ 1966-1976թթ.) Չինաստանի իշխանությունները բանտարկել են նրան` ազգայնական գործունեության մեղադրանքով[1]։
Աշխատանքներ խմբագրել
Աբդուրահիմ Տիլեշուպ Օտկուրի բանաստեղծություններն առաջին անգամ հրապարակել են 1940 թվականին։ «Տարիմ գետի ափով» և «Սրտի մեղեդի» ստեղծագործությունները շատ հայտնի էին։ Հեղինակի վերջին վեպերը` «Ճանապարհ» և «Մոռացված հողը», դարձել են ույղուրների շրջանում ամենատարածված գրքերը[1]։
Ծանոթագրություններ խմբագրել
- ↑ 1,0 1,1 October 5 Արխիվացված 2009-01-07 Wayback Machine(չաշխատող հղում)